“Cuando vengas a buscarme”

Israel chega ao hospital no último momento para despedirse da súa irmá. A estampa é sobrecolledora. Uns pais esnaquizados ante o último instante de vida da súa alma xemelga. O último que Paula di ao seu irmán parece non ter sentido para el: «Búscame, Israel, búscame». Un ano despois da súa morte, cre descubrir o que a súa irmá quixo dicir con aquelas palabras. Decidido a achar o seu verdadeiro significado, embárcase nunha viaxe para atopar á persoa que posúe o legado que deixou. Nun pobo pesqueiro do sur de España, atopará un grupo de persoas que loitan por pechar os seus propios círculos persoais. Unha muller cun turbio pasado conxugal que pelexa por sacar adiante a súa pequena familia de dúas xunto á súa filla, un vello vasco que escapou do recordo da súa esposa falecida e un sacerdote con dúbidas de fe e acosado polos arrebatos dunha nova. Ata onde serías capaz de chegar para manter vivo o recordo dun ser querido? Unha historia de persoas que buscan a persoas e doutras que nin sequera saben que desexan ser atopadas.